O vindeiro 4 de xaneiro de 2020, a Asociación Galega de Esclerose Lateral Amiotrofica – AGAELA, coa colaboración do Clube de Natación Liceo, organiza a IX Travesía solidaria a favor dos afectados de ELA – Memorial Fran Otero.
As xélidas augas do mar da Coruña acollerán aos intrépidos e solidarios nadadores que poderán participar neste reto en dúas modalidades: 400 metros (con ou sen neorpreno) e 1.000 metros (obrigatorio participar con neopreno).
Todo o recadado nesta travesía será doado a Agaela
O ano pasado máis de 200 personas molláronse pola ELA nas frías augas invernais do mar da Coruña. Este ano queremos repetir e que se escoite aínda máis a voz dos afectados por esta devastadora enfermidade.
CARTEL DO EVENTO
DETALLES
Día: 4 de Xaneiro de 2020
Hora de saída: 11:00 (Pendente de confirmación. Suxeito ao calendario de mareas)
Lugar: Será no Dique Barrié no Real Club Náutico da Coruña.
Inscricións: Aquí
Donativo de inscrición: Para participantes mínimo 6 € ampliable á vontade. Aqueles que non queiran participar nas probas pero si colaborar poden inscribinse en “Fila 0”.
Recollida de dorsais: o día 4 de xaneiro nas instalacións do Real Club Náutico da Coruña ata 1 hora antes do comezo da proba.
En caso de menores de idade (mínimo 15 anos): deberá enviar ao correo electrónico info@agaela.es a Folla de Autorización para Menores.
PREMIOS E SORTEOS
Premios:
Trofeos para os gañadores de cada categoría, para o participante máis veterano e o máis novo.
Sorteos:
- 17 Boias de natación para augas abertas cortesía de Decathlon Coruña e Decathlon Oleiros.
- 1 comida ou cea para 2 persoas en Mahalo Poké.
- Tarxetas regalo de The Style Outlets* :
- 2 tarxetas de 50€
- 2 tarxetas de 30€
- 2 tarxetas de 20€
*Os agraciados deberán indicarnos os seus datos persoais e DNI para elaborar os vales e poderán pasarse a recollelos antes do 4 de febreiro no punto de información do centro comercial.
* Haberá zona de gardarroupa para que os participantes poidan deixar as súas pertenzas e recollelas ao finalizar a natación.
PERCORRIDO
Ofrecemos aos participantes dous percorridos. Aquí vos deixamos os planos:
Percorrido con ou sen neopreno. 400 metros
Percorrido con neopreno. 1.000 metros
ORGANIZAN
COLABORAN
