O pasado 13 de xullo presentábase na Consellería de Sanidade o Proceso Asistencial Integrado da Esclerose Lateral Amiotrófica.
Este documento ven a guiar a práctica dos profesionais sanitarios e socias para garantir a mellor atención aos afectados de ELA galegos.
Hoxe achegámosvos por fin a versión final do documento, que recolle melloras tan necesarias como establecer tempos máximos para a realización de probas diagnósticas ou para a avaliación do grao de dependencia, entre outros.
Na redacción deste documento participaron 33 expertos en ELA entre os cales, se atopan membros de AGAELA que tentaron trasladar a realidade dos asociados da nosa entidade.
Desde AGAELA queremos agradecer profundamente a todos os profesionais que fixeron que esta realidade sexa posible e que a mellora da atención aos afectados de ELA da nosa comunidade sexa un obxectivo común para todos.
